အသေးစားနှင့် အလတ်စားစီးပွားရေးလုပ်ငန်းများအတွက် ချေးငွေထုတ်ချေးပေးနေတာတွေနဲ့ ပတ်သက်ပြီး လုပ်ငန်းရှင်အနေနဲ့ သတင်းအချက်အလက်သိရှိမှုနည်းတာကြောင့် ထုတ်ချေးပေးမယ့်ချေးငွေတွေအများအပြားကျန်ရှိနေသေးတယ်လို့ သြဂုတ်လ(၂၄)ရက်က ရန်ကုန်မြို့ မရမ်းကုန်းမြို့နယ်ရှိ SME စင်တာမှာပြုလုပ်တဲ့ SME ချေးငွေဆိုင်ရာ ဟောပြောပွဲမှ သိရပါတယ်။ပြည်ပအဖွဲ့အစည်းဖြစ်တဲ့ KFW က ပြီးခဲ့တဲ့နှစ်က ငွေကျပ်(၅)ဘီလျံ ချေးပေးနိုင်ဖို့စီစဉ်ခဲ့ပေမယ့် ငွေကျပ်(၂.၂၅)ဘီလျံပဲ ထုတ်ချေးရသေးတယ်လို့သိရပါတယ်။ ဒုတိယအသုတ်ကို မြန်မာရှေ့ဆောင်နဲ့ CB ဘဏ်ကတစ်ဆင့်  ငွေကျပ်(၁၅)ဘီလျံ ထပ်ချေးပေးဖို့ စီစဉ်ထားတယ်လို့ သိရပါတယ်။

ဒါ့အပြင် နိုင်ငံတော်အစိုးရရဲ့ အစီအစဉ်နဲ့ မြန်မာ့စီးပွားရေးဘဏ်က SME တွေအတွက် ငွေကျပ်(၂၅၀)ဘီလျံချေးပေးနေပြီး လက်ရှိမှာငွေကျပ်(၁၀)ဘီလျံ ပဲချေးပေးရသေးတယ်လို့ဆိုပါတယ်။ စိုက်ပျိုးရေးချေးငွေအဖြစ်လည်း ငွေကျပ်(၂၀၀)ဘီလျံချေးပေးဖို့ ယာထားပေမယ့် ငွေကျပ်(၀.၇)ဘီလျံ ပဲချေးပေးရသေး တယ်လို့ သိရပါတယ်။ ဒါ့အပြင် JICA ကလည်း ဒုတိယအသုတ်အနေနဲ့ (၁၈၉)ဘီလျံ ထပ်ချေးပေးဖို့ရှိတယ်လို့ သိရပါတယ်။

အသေးစားနှင့် အလတ်စားစီးပွားရေးလုပ်ငန်းရှင်တွေအနေနဲ့ချေးငွေတွေအကြောင်းရှင်းရှင်းလင်းလင်းမသိတာ ငွေချေးဖို့ လုပ်ငန်းစဉ်တွေ မသိတာ၊ ဘယ်ဘဏ်တွေကချေးပေးနေတယ်ဆိုတာမသိတာ၊ လုပ်ငန်းတွေမှာ  Business Plan တွေမရှိတာ၊ ငွေကြေးသုံးစွဲမှုစီမံခန့်ခွဲမှုမရှိတာ၊ Target မရှိတာ၊ လိုအပ်တဲ့ စာရွက်စာတမ်းတွေမရှိတာ စတဲ့အခက်အခဲတွေကြောင့်လည်း ချေးငွေမရရှိတာဖြစ်တယ်လို့သိရပါတယ်။အရင်အစိုးရလက်ထက်ကအသေးစားနှင့် အလတ်စားစီးပွားရေးလုပ်ငန်းရှင်တွေအတွက် ငွေကျပ် (၃၀)ဘီလျံကို ချေးပေးခဲ့ပြီးဖြစ်တယ်လို့ သိရပါတယ်။

 

 

 

Related News