မန္တလေးတိုင်းဒေသကြီး သပိတ်ကျင်းမြို့နယ်နဲ့ စဥ့်ကူးမြို့နယ်အတွင်းရှိ  ၂၀၁၇-၂၀၁၈ ပညာသင်နှစ်အတွက် ထူးချွန်ကျောင်းသား၊ ကျောင်းသူများအား ပညာရည်ချွန်ဆုပေးပွဲကို သြဂုတ်လ ၂၆ ရက်က သပိတ်ကျင်းမြို့နယ်၊ အခြေခံပညာအထက်တန်းကျောင်း ဇရပ်ကွင်းမှာ ပြုလုပ်ခဲ့ပါတယ်။ အခုလို ထူးချွန်အောင်မြင်တဲ့ ကျောင်းသား၊ကျောင်းသူတွေကို ပညာရည်ချွန်ဆုတွေချီးမြှင့်ပေးတာဟာ နောက်မျိုးဆက်သစ်လူငယ်တွေ အနေနဲ့ ဒီထက်မကပိုမိုကြိုးစားစေကာ အောင်မြင်မှုတွေရရှိစေဖို့၊ နိုင်ငံတော်အတွက် သားကောင်းရတနာတွေ ပေါ်ထွက်စေဖို့ နဲ့ မိမိနေထိုင်ရာဒေသကို ပညာရေးဘက်မှ တစ်ဖက်တစ်လှမ်းထောက်ပံ့နိုင်စေဖို့အတွက် အောင်သမာဓိ စိန်ရွှေရတနာနဲ့ ရွှေသန့်စင်လုပ်ငန်းမှ ရည်ရွယ်ပြုလုပ်တာဖြစ်တယ်လို့ပြောပါတယ်။ မန္တလေးမြို့ရှိ အောင်သမာဓိ စိန်ရွှေရတနာနဲ့ ရွှေသန့်စင်လုပ်ငန်းအနေနဲ့ ထူးချွန်ကျောင်းသား၊ ကျောင်းသူတွေကို ပညာရည်ချွန်ဆုပေးတာဟာ (၅) ကြိမ်မြောက်ဖြစ်တယ်လုိ့သိရပါတယ်။

ပညာရည်ချွန်ဆုပေးပွဲမှာ သပိတ်ကျင်းမြို့နယ်ရှိ ထူးချွန်ကျောင်းသား၊ ကျောင်းသူ (၂၃၂) ဦးနဲ့ စဥ့်ကူးမြို့နယ်ရှိ ထူးချွန်ကျောင်းသား၊ ကျောင်းသူ (၇၁) ဦးကို ဆုပေးအပ်ခဲ့တာဖြစ်ပါတယ်။မန္တလေးမြို့ရှိ အောင်သမာဓိ စိန်ရွှေရတနာနဲ့ ရွှေသန့်စင်လုပ်ငန်းအနေနဲ့ သပိတ်ကျင်းမြို့နယ်ရှိ ဇရပ်ကွင်းအခြေံပညာအထက်ကျောင်း နဲ့ စဥ့်ကူးမြို့နယ်ရှိ လက်ပန်လှအထက်ကျောင်း ၊ကျည်တောက်ပေါက် အထက်တန်းကျောင်း တို့အတွက်လည်း ကျောင်းဆောင်သစ်တွေကို ဆောက်လုပ်လှူဒါန်းသွားမယ်လို့သိရပါတယ်။

 

 

Related News