ရန်ကုန်တိုင်းဒေသကြီးအတွင်းက အိုးပိုင်အိမ်ပိုင်မရှိသူတွေအတွက် လစဉ် တစ်လငွေကျပ်တစ်သိန်းခန့်ပေးသွင်း နေထိုင်ကာအိမ်ပိုင်ဆိုင်နိုင်အောင် လုပ်ဆောင်ပေးသွားမယ်လို့ ရန်ကုန်တိုင်းဒေသကြီးအစိုးရအဖွဲ့ရဲ့ဒုတိယတစ်နှစ်တာ ဆောင်ရွက်ချက်များ သတင်းစာရှင်းလင်းပွဲမှာ ဝန်ကြီးချုပ် ဦးဖြိုးမင်းသိန်းက ပြောပါတယ်။ ရန်ကုန်တိုင်းဒေသကြီးအတွင်းကို အကြောင်းမျိုးမျိုးကြောင့် ပြောင်းရွှေ့နေထိုင်လာတဲ့သူထဲ နေစရာအခက်အခဲရှိပြီး တန်းဖိုးနည်းအိမ်ရာတွေကို (Down Payment) ပေးချေပြီး မ၀ယ်ယူနိုင်တဲ့သူတွေအတွက် လစဉ် အိမ်ငှားခပေးပြီးနေထိုင်သလို ငွေပေးချေပြီး  အိမ်ပိုင်ရရှိအောင် စီစဉ်ဆောင်ရွက်ပေးတော့မယ်လို့ သိပါတယ်။  ရန်ကုန်မှာအခြေချပြီး အိမ်ငှားနေထိုင်သူတွေဖြစ်တဲ့ လက်လုပ်လက်စားလုပ်ကိုင်နေသူတွေ၊ ကုမ္ပဏီဝန်ထမ်းတွေ၊ အစိုးရ၀န်ထမ်းတွေစတဲ့  ပြည်သူတွေ အတွက် ဖြစ်ပြီး အလုပ်ကို အပေါင်ထား ရောင်းချပေးမှာ ဖြစ်တယ်လို့လည်းသိရပါတယ်။

အခုလို ပြည်သူတွေ နေစရာခိုင်ခိုင်မာမာရရှိဖို့ နှစ်ရှည်ချေးငွေတစ်ခုနဲ့ ရန်ကုန်တိုင်းဒေသကြီးအတွင်းမှာ အမြန်ဆုံးအကောင်အထည်ဖော်ဆောင်ရွက်နိုင်ဖို့ လာမယ့်နှစ်တွေအတွင်း လုပ်ဆောင်ပေးနိုင်အောင် ကြိုးပမ်းသွားမယ်လို့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောကြား လိုက်ပါတယ်။ဒါ့ပြင် စာရင်းကောက်ယူပြီး ကဒ်ထုတ်ပေးထားတဲ့ ကျူးကျော်နေထိုင်သူတွေရဲ့ ဖြေကြားမှုတွေအရ   အိမ်ရာ ရောင်းချမှုတွေကို တစ်လ ကျပ်(၇)သောင်း၊တစ်သိန်းဝန်ကျင် ပေးချေနိုင်တယ်လို့လည်း ဆိုပါတယ်။ ဒါ့ကြောင့် ဒီနှုန်းထားတွေနဲ့ နှစ်ရှည်ရောင်းချပေးနိုင်အောင် ကြိုးပမ်းလုပ်ဆောင်ပေးနေတယ်လို့လည်း ၀န်ကြီးချုပ်က ပြောပါတယ်။ ပြည်သူတွေအိမ်ရာအခိုင်အမာ ပိုင်ဆိုင်ဖို့အတွက်လည်း နှစ်(၃၀)လောက်ရင်နှီးမြှပ်နှံနိုင်မယ့် ရင်နှီးမြှပ်နှံသူတွေနဲ့ ညှိနှိုင်းနေတယ်လို့ သိရပါတယ်။ ဒါ့ပြင် ကမ္ဘာ့ဘဏ်၊ နိုင်ငံတကာကုလသမဂ္ဂအဖွဲ့အစည်းတွေ၊ လူအခွင့်အရေးအဖွဲ့စည်းတွေ၊ အရပ်ဖက်အဖွဲ့အစည်း တွေနဲ့ညှိနှိုင်းနေပြီး မြေနေရာရတာနဲ့တည်ဆောက်နိုင်အောင် ကြိုးစားလုပ်ဆောင်နေတယ်လို့သိရပါတယ်။ 

 

 

Related News