တရုတ်လူမျိုးသုတေသန ပညာရှင်တွေရဲ့တွေ့ရှိချက်အရ လေထုညစ်ညမ်းမှုကို ကာလရှည်ထိတွေ့တာက အသိဥာဏ်ကို ပိုပြီးထိခိုက်နိုင်ပါတယ်။ လေထုညစ်ညမ်းမှုနဲ့အချိန်ကြာကြာထိတွေ့ရင် အသက်ကြီးလာတဲ့အချိန်မှာ မှတ်ဥာဏ်ထိခိုက်နိုင်မှုပိုများပြီး ပညာကောင်းကောင်း မသင်ခဲ့ရသူတွေမှာ ပိုပြီးမှတ်ဥာဏ်ထိခိုက်နိုင်တယ်လို့ တရုတ်ပညာရှင်တွေကတွေ့ရှိခဲ့ပါတယ်။ လေထုညစ်ညမ်းမှုကြောင့် ဖြစ် လာနိုင်တဲ့ ကျန်းမာရေးဆိုင်ရာဆိုးကျိုးတွေကို လေ့လာခဲ့ပြီး လေ့လာတာနည်းနေတဲ့မှတ်ဥာဏ်ပိုင်းမှာ ထိခိုက်နိုင်တာကိုတွေ့ခဲ့ရ တယ်လို့ ယူရိုနယူးစ်သတင်းဌာနကဖော်ပြပါတယ်။ တရုတ်နိုင်ငံက လူ(၃၂၀၀၀)နီးပါးရဲ့သင်္ချာနဲ့အပြောစွမ်းရည်တို့ကို “ပီကင်း” တက္ကသိုလ်နဲ့ “ယေးလ်”တက္ကသိုလ်တို့က သုတေသနပညာရှင်တွေကလေ့လာခဲ့ပြီး  တရားဝင်လေထုညစ်ညမ်းမှုညွှန်းကိန်းတွေနဲ့ အဲဒီရလဒ်တွေကို နှိုင်းယှဉ်ခဲ့တာပါ။

လေထုညစ်ညမ်းမှုကို ကာလရှည်ထိတွေ့ခဲ့မယ်ဆိုရင် အပြောစွမ်းရည်နဲ့သင်္ချာစွမ်းရည်တို့မှာ စွမ်းဆောင်ရည်ကျဆင်းလာတယ်လို့ လေ့လာရာမှာပါဝင်ခဲ့တဲ့ ပီကင်းတက္ကသိုလ်ရဲ့စီးပွားရေးပါမောက္ခ“ရှောင်ဘိုကျန်း”ကပြောပါ တယ်။ စွမ်းဆောင်ရည်ကျဆင်းလာတာက အမျိုးသားတွေမှာပိုများပြီး အသက်ပိုကြီးလာတာနဲ့အမျှစွမ်းဆောင်ရည်ပိုကျဆင်းလာ တယ်လို့ တွေ့ရှိချက်မှာပါဝင်ပါတယ်။ အလယ်တန်းမတက်ခဲ့ရသူတွေက တက်ခဲ့ရသူတွေထက် စွမ်းရည်ပိုကျဆင်းတယ်လို့လည်း သိရပါတယ်။ အသက်ကြီးတဲ့သူတွေမှာ မှတ်ဥာဏ်ကျဆင်းလာတာဟာ အယ်ဇိုင်းမားရောဂါနဲ့ တခြားစိတ်ပိုင်းဆိုင်ရာဝေဒနာတွေ ဖြစ်လာနိုင်ချေများစေပါတယ်။ ကမ္ဘာ့ကျန်းမာရေးအဖွဲ့(W.H.O)ရဲ့စာရင်းတွေအရ ကမ္ဘာ့လေထုအညစ်ညမ်းဆုံးမြို့(၂၀)က ဖွံ့ဖြိုး ဆဲနိုင်ငံတွေမှာရှိပါတယ်။

 

 

Related News