၂၀၁၈ ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်မယ့် ကိုယ်စားလှယ်လောင်းတွေရဲ့ မဲဆွယ်ကာလ ရက်ပေါင်း(၆၀)ဟာ စက်တင်ဘာလ(၃)ရက်မှာ စတင်သွားမှာ ဖြစ်တယ်လို့ ရွေးကောက်ပွဲကော်မရှင်ကသိရပါတယ်။ ၂၀၁၈ ကြားဖြတ်ရွေးကောက်ပွဲမှာ ပြည်သူ့လွှတ်တော်(၄)နေရာ၊ အမျိုးသားလွှတ်တော် (၁)နေရာနဲ့ တိုင်း ဒေသကြီး/ ပြည်နယ် လွှတ်တော် (၈)နေရာ စုစုပေါင်း လစ်လပ်မဲဆန္ဒနယ် (၁၃)နေရာရှိပြီး နိုင်ငံရေးပါတီ(၂၄)ခုက ကိုယ်စားလှယ်(၆၂)ဦးနဲ့တစ်သီးပုဂ္ဂလ(၇)ဦး စုစုပေါင်း ကိုယ်စားလှယ်(၆၉)ဦး က ၀င်ရောက်ယှဉ်ပြိုင်မှာပါ။ ရန်ကုန်တိုင်းဒေသကြီးအတွက် လစ်လပ်မဲဆန္ဒနယ်တွေအဖြစ် တာမွေမြို့နယ်မှာ ပြည်သူ့လွှတ်တော် တစ်နေရာ နဲ့ ဆိပ်ကမ်းမြို့နယ်မှာ  တိုင်းဒေသကြီးလွှတ်တော် တစ်နေရာမှာ ကြားဖြတ်ရွေးကောက်ပွဲ ကျင်းပမှာ ဖြစ်ပါတယ်။

ဒီနှစ်နေရာအတွက် ပါတီ(၁၀)ခုက ကိုယ်စားလှယ်(၁၆)ဦး နဲ့တစ်သီး ပုဂ္ဂလတစ်ဦး စုစုပေါင်း(၁၇)ဦး ပါဝင်ယှဉ်ပြိုင်ကြမှာ ဖြစ်ပါတယ်။ လွှတ်တော်ကိုယ်စားလှယ်တွေအတွက် မဲဆွယ်စည်းရုံးရေးကာလကိုတော့ လာမယ့် စက်တင်ဘာ (၃)ရက်မနက်(၆) နာရီကနေ နိုဝင်ဘာ(၁)ရက် ည(၁၂)နာရီအထိ သတ်မှတ်ထားပြီး သတ်မှတ်ထားတဲ့ စည်းမျဉ်းစည်းကမ်းတွေနဲ့အညီ မဲဆွယ်စည်းရုံးကြရမှာ ဖြစ်ပါတယ်။အခုကြားဖြတ်ရွေးကောက်ပွဲမှာ  လစ်လပ်မဲဆန္ဒနယ်(၁၃)ခုအတွက် မဲပေးခွင့်ရှိသူ (၉)သိန်းကျော်ရှိနေပါတယ်။

ရန်ကုန်မှာ ကြားဖြတ်ရွေးကော်ပွဲပြုလုပ်မယ့် တာမွေမြို့နယ်မှာ မဲပေးခွင့်ရှိသူ (တစ်သိန်း)နဲ့ဆိပ်ကမ်း မြို့နယ်မှာ တစ်ထောင့်လေးရာကျော်ရှိနေပါတယ်။ မဲပေးခွင့်ရှိသူစာရင်းတွေကို ဇူလိုင်လ(၉)ရက်ကနေ (၂၂)ရက်အထိ ပထမအကြိမ်ထုတ်ပြန်ပေးခဲ့ပြီး အခု အောက်တိုဘာလမှာလည်း  ဒုတိယအကြိမ်အဖြစ် သက်ဆိုင်ရာ ရပ်/ကျေးကော်မရှင်တွေမှာ (၁၄)ရက်ကြာ ထပ်မံထုတ်ပြန်ပေးမှာဖြစ်ပါတယ်။ အခုတစ်ကြိမ်ဟာ မဲဆန္ဒရှင်အချက်အလက်တွေနဲ့ပတ်သက်ပြီး နောက်ဆုံးအကြိမ် ပြင်ဆင်ခွင့်ရှိမှာဖြစ်ပြီး နာမည်မပါဝင်ပါ က ပုံစံ(၃)၊ အချက်အလက်မှားယွင်းပါက ပုံစံ ၄(ဂ)နဲ့ မပါသင့်သူတွေပါနေပါက ပုံစံ(၄)တို့ကိုဖြည့်စွက်ပြင်ဆင်ရမှာဖြစ်ပါတယ်။

ပြီးခဲ့တဲ့ ၂၀၁၇ ဧပြီလ(၁)ရက် ကြားဖြတ်ရွေးကောက်ပွဲကိုတော့ မြို့နယ်(၂၂)မြို့နယ်မှာပြုလုပ်ခဲ့ပြီး ပြည်သူ့လွှတ်တော်(၉)နေရာ၊ အမျိုးသားလွှတ်တော်(၃)နေရာနဲ့ တိုင်းဒေသကြီး/ပြည်နယ်လွှတ်တော်(၇)နေရာ စုစုပေါင်း လစ်လပ်မဲဆန္ဒနယ် (၁၉)နေရာ ရှိခဲ့ပါတယ်။၂၀၁၇ကြားဖြတ်ရွေးကောက်ပွဲမှာတော့ မဲပေးခွင့်ရှိသူ (၂.၁) သန်းကျော်ရှိခဲ့ပြီး (၇)သိန်း (၈)သောင်းကျော်က ဆန္ဒမဲလာရောက်ပေးခဲ့ကြပါတယ်။

 

 

Related News