အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့ အလုပ်သမားဆေးရုံကြီး (ရန်ကုန်)က ကျန်းမာရေး အသိပညာပေးဆွေးနွေးခြင်းနှင့် ကွင်းဆင်းဆေးကုသခြင်းကို သြဂုတ်လ(၃၀)ရက်က သင်္ဃန်းကျွန်းမြို့နယ်ရှိ City Properties Co. Ltd  မှာ ပြုလုပ်ခဲ့ပါတယ်။ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့ အလုပ်သမားဆေးရုံကြီး (ရန်ကုန်)မှ ခွဲစိတ်အထူးကု၊ အရိုး/အကြောအထူးကု၊ အထွေထွေရောဂါအထူးကုနဲ့ သွား/ခံတွင်းအထူးကု ဆရာဝန်ကြီးတွေက ကျန်းမာရေးဟောပြောပွဲပြုလုပ်ပြီး၊ ကွင်းဆင်းဆေးကုသပေးတာပါ။

အခုလိုဆေးကုသပေးရာမှ ထပ်မံကုသဖို့လိုအပ်သူတွေကို လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)နဲ့ သက်ဆိုင်ရာဆေးရုံတွေမှာ ဆက်လက်ကုသပေးမှာဖြစ်တယ်လို့သိရပါတယ်။ဝန်ထမ်းတွေကတော့ အခုလိုလူမှုဖူလုံရေးအဖွဲ့ အလုပ်သမားဆေးရုံကြီးမှ အထူးကုဆရာဝန်တွေကိုယ်တိုင်လာရောက် စမ်းသပ်ပေးတာဟာ အလုပ်ချိန် မလစ်ဟင်းတာကြောင့် အဆင်ပြေတယ်လို့ ပြောပါတယ်။

ဒါ့အပြင်လိုအပ်တဲ့ဆေးတွေကိုပါ အခမဲ့ပေးတာကြောင့် ပိုအဆင်ပြေတယ်လို့သိရပါတယ်။အခုကွင်းဆင်းကုသရာမှာ လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)မှ ဆေးရုံအုပ်၊ ဒုတိယဆေးရုံအုပ်၊ ရောဂါဗေဒအထူးကုဆရာဝန်ကြီး ၊ အထူးကုဆရာဝန်ကြီး ၊ လက်ထောက်ဆရာဝန် ၊ သူနာပြုနဲ့ အထောက်အကူပြုတွေနဲ့ အင်အား(၂၃)ဦးပါဝင်တယ်လို့သိရပါတယ်။ ရန်ကုန်တိုင်းဒေသကြီးအတွင်းမှာ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့ကနေလက်ရှိ အလုပ်သမားဆေးရုံကြီး(၂)ရုံနဲ့ လူမှုဖူလုံရေး- ကဲဝဲလ်ဆေးခန်း (၄)ခုဖွင့်လှစ်ထားတယ်လို့သိရပါတယ်။

 

 

Related News