ကျွမ်းကျင်မှုဆိုင်ရာဖွံ့ဖြိုးမှု(PDC-2018)ပညာရေးပွဲတော်ကို စက်တင်ဘာလမှာကျင်းပသွားမယ်လို့ သြဂုတ်လ(၂၉)ရက်က Novotel Hotel မှာ ပြုလုပ်တဲ့ သတင်းစာရှင်းလင်းပွဲမှ သိရပါတယ်။ ကျွမ်းကျင်မှုဆိုင်ရာဖွံ့ဖြိုးမှု(PDC-2018)ပညာရေးပွဲတော်ကို စက်တင်ဘာလ(၂၉)နဲ့(၃၀)ရက်မှာ ကမာရွတ်မြို့နယ်ရှိ Kaplan Myanmar University College မှာကျင်းပသွားမှာဖြစ်ပါတယ်။ ပညာရေးပွဲတော်မှာ ခေါင်းဆောင်မှုနဲ့ စီမံခန့်ခွဲမှုအပိုင်း၊ ဘဏ္ဍာရေးဆိုင်ရာစီမံခန့်ခွဲမှုအပိုင်း၊ ဖန်တီးမှုစွမ်းအား(နည်းပညာ)တွေနဲ့ လုပ်ငန်းရှင်တွေရဲ့စွန့် ဦးတီထွင်မှု အစရှိတဲ့ဘာသာရပ်တွေကို ဟောပြောပို့ချပေးသွားမှာဖြစ်ပါတယ်။

ဟောပြောပွဲမှာ သက်ဆိုင်ရာဘာသာရပ်အသီးသီးရဲ့ ကျွမ်းကျင်ပညာရှင်တွေကနေ အချိန် တစ်နာရီစီ ပို့ချပေးသွားမှာဖြစ်တယ်လို့သိရပါတယ်။ပညာရေးပွဲတော်ကို သက်ဆိုင်ရာနယ်ပယ်အသီးသီးမှ ကုမ္ပဏီပိုင်ရှင်တွေ၊ ကျွမ်းကျင်ပညာရှင်တွေ၊ မန်နေဂျာတွေ၊ ကုမ္ပဏီဝန်ထမ်းတွေအနေနဲ့ မိမိတို့စိတ်ဝင်စားတဲ့ ဘာသာရပ်တွေကို တက်ရောက်နိုင်တယ်လို့သိရပါတယ်။ သင်တန်းပို့ချပေးမယ့်ပညာရှင်တွေကတော့ စင်ကာပူ၊ မလေးရှား၊ UK ၊ ဥရောပ၊ မြန်မာနိုင်ငံ  ကပညာရှင်တွေက ပို့ချပေးသွားမှာဖြစ်ပါတယ်။ (၂)ရက်အတွင်းမှာ Workshopပေါင်း(၃၀)ကျော်ကိုလည်း ပို့ချပေးသွားမှာဖြစ်တယ်လို့ သိရပါတယ်။(PDC-2018)ပညာရေးပွဲတော်ကို တက်ရောက်လိုသူတွေအနေနဲ့ ကျင်းပမယ့်(၂)ရက်အတွင်းမှာ ၀င်ကြေးအနေနဲ့ ဒေါ်လာ(၁၅၀)ပေးသွင်းရမှာဖြစ်ပြီး သက်ဆိုင်ရာပါတနာကုမ္ပဏီတွေနဲ့ ချိတ်ဆက်ဝယ်ယူရင်တော့ ဒေါ်လာ(၁၂၀)သာပေးသွင်းရမယ်လို့ သိရပါတယ်။

 

 

 

 

Related News