ရန်ကုန်မြို့ပေါ်က အခြေခံပညာရေးကျောင်းတစ်ချို့ဟာတက်ရောက်တဲ့ကျောင်းသားဦးရေ အလွန်နည်းပါးလို့ ကျောင်းပိတ်ရမယ့် အခြေအနေရှိနေတယ်လို့ သိရပါတယ်။ ရန်ကုန်မြို့ စည်ပင်သာယာနယ်နမိတ်အတွင်းရှိ မြို့နယ်တွေက စာသင်ကျောင်းတစ်ချို့မှာ တက်ရောက်တဲ့ကျောင်းသားဦးရေ အလွန်နည်းပါးနေတဲ့ အခြေအနေတွေ ရှိနေတာပါ။ ဒီကျောင်းကတော့ အလုံမြို့နယ်က ကျောင်းသားဦးရေ နည်းပါးနေတဲ့ အမှတ်(၂)အခြေခံပညာ အထက်တန်းကျောင်းပဲဖြစ်ပါတယ်။

ဒီကျောင်းဟာ လက်ရှိပညာသင်နှစ်မှာ  KG ကနေ (၁၀)တန်းအထိ အတန်းစုံပေါင်းမှ ကျောင်းသားဦးရေ(၆၀)၀န်းကျင်သာရှိပါတယ်။ ဒီအရေအတွက်ဟာ  အလွန့်အလွန်ကို နည်းပါးနေတာဖြစ်ပြီး ဒီကျောင်းပရ၀ဏ်နဲ့ဖွဲ့စည်းပုံအရဆို ကျောင်းသား(၁၅၀၀)၀န်းကျင် သင်ကြားပေးလို့ရတဲ့အခြေအနေလည်းဖြစ်တယ်လို့သိပါတယ်။ ဒီလိုအခြေအနေဟာ ဆရာတွေရော၊ကျောင်းသားတွေပါ စိတ်ထိခိုက်စရာအခြေအနေတွေဖြစ်တယ်လို့လည်းဆိုပါတယ်။  ဒီကျောင်းမှာ အတန်း(၂)တန်းက ကျောင်းသားလုံးဝမရှိဘူးလို့လည်းသိရပါတယ်။(၈)တန်းမှာတော့ ကျောင်းသား တစ်ဦးသာရှိပြီး  ဒီတစ်ယောက်ကိုသာ ဘာသာစုံဆရာတွေက ၀ိုင်းသင်ပေးနေတာလည်း ဖြစ်ပါတယ်။ စာသင်ကျောင်းဆိုပေမယ့် အတန်းထဲမှာ တစ်ဦးတည်းသင်ကြားနေရတဲ့ကျောင်းသူကလည်း သူရဲ့ခံစားချက်ကို အခုလိုပြောပါတယ်။


ဒီလိုကျောင်းတွေဟာ အတန်းစုံဆရာအင်အားလုံလောက်မှုရှိပေမယ့်  ခုလိုအခြေအနေတွေကိုရင်ဆိုင်နေရလို့ ကျောင်းအတွက် ဘတ်ဂျက်တွေမချပေးတော့ဘဲ၊ အဆောက်အဦတွေယိုယွင်းမှုတွေနဲ့ အခြားကဏ္ဍတွေကနေ ဘဏ္ဍာငွေ ဆုံရှုံးမှုတွေကိုလည်း ဖြစ်ပေါ်စေတယ်လို့ဆိုပါတယ်။ ဒီလိုကျောင်းအများစုကို ပိတ်ပြီး ကျောင်းပေါင်းထားသွားဖို့ရှိတယ်လို့လည်း သိရပါတယ်။  ဒါကတော့ ဒဂုံမြို့နယ်က မူလတန်းကျောင်းတစ်ကျောင်းဖြစ်ပြီး ကျောင်းသားဦးရေ (၁၀)ယောက်ကျော်သာရှိတာပါ။

ဆယ်စုနှစ်တွေ  ချီပြီး စာသင်ကြားပေးလာခဲ့တဲ့ ကျောင်းတွေဖြစ်လို့ ပိတ်လိုက်တာကို မဖြစ်စေချင်သလို ပိတ်မယ်ဆိုရင်တောင် လူငယ်တွေအတွက် အသက်မွေးဝမ်းကြောင်း ကျောင်းတွေအဖြစ် ပြန်လည်ဖွင့်လှစ်ပေးသင့်တယ်လို့ ပြည်သူ့ကိုယ်စားလှယ်တစ်ချို့ကလည်း ဆိုကြပါတယ်။ ဒီလိုကျောင်းတွေ ကျောင်းသားနည်းရတာဟာ တချို့မိဘတွေက နာမည်ကြီး၊ အောင်ချက်ကောင်းတွေမှာသွားထားတာတွေ၊ ကျောင်းတွေရဲ့ပတ်ဝန်းကျင်အခြေအနေတွေ၊ ကျောင်းအပ်နှံ လက်ခံရေးကိစ္စတွေစတဲ့  အခြေအနေတွေလည်း ပါဝင်တယ်လို့ဆိုပါတယ်။

ဒီလိုအခြေအနေတွေကို ရင်ဆိုင်နေရတဲ့ အထက်တန်းကျောင်းတွေဟာ အလုံမြို့နယ် တစ်မြို့နယ်ထဲမှာပဲအနည်းဆုံး ၂ကျောင်း၃ကျောင်းလောက် ရှိတယ်လို့သိရပြီး ဒီကျောင်းတွေရဲ့ကျောင်းသားဦးရေစုစုပေါင်းဟာ ဆယ်ဂဏန်းဝန်ကျင်သာရှိတယ်လို့သိရပါတယ်။  ဒါ့အပြင် ကျောင်းသားဦးရေနည်းပါးလွန်းတဲ့ အလယ်တန်း၊ မူလတန်းကျောင်းတွေလည်း ရှိနေသေးတယ်လို့ သိရပါတယ်။ ရန်ကုန်မြို့က အခြားမြို့နယ်တွေကကျောင်းအချို့မှာလည်း ဒီလိုအခြေအနေတွေရှိနိုင်တယ်လို့သိရပါတယ်။  ဒီလိုကျောင်းအချို့ကို ပိတ်ပြီး ကျောင်းပေါင်းထားသွားဖို့ကိုတော့ လာမယ့်ပညာသင်နှစ်လောက်မှာ စတင်လုပ်ဆောင်ဖြစ်လောက်မယ်လို့လည်းသိရပါတယ်။ 

 

 

Related News