အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနက ရွှေပြည်သာမြို့နယ် အမှတ်(၃)အခြေခံပညာအထက်တန်းကျောင်းရှိ နိုင်ငံသားစိစစ်ရေးကဒ်ပြားမရှိသေးတဲ့ ကျောင်းသား၊ ကျောင်းသူတွေကို စက်တင်ဘာလ (၃)ရက်က နိုင်ငံသားစိစစ်ရေးကဒ်ပြားများကို ကွင်းဆင်းပြုလုပ်ပေးခဲ့ပါတယ်။အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာနက အခြေခံပညာကျောင်းတွေက နိုင်ငံသားစိစစ်ရေးကတ်ပြား မရှိသေးတဲ့ကလေးတွေကို ကွင်းဆင်းဆောင်ရွက်ပေးနေတာပါ။

အခုလိုကွင်းဆင်းဆောင်ရွက်ပေးရာမှာ  လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနအနေနဲ့  မွေးစာရင်းရှိပြီး အိမ်ထောင်စုစာရင်းထဲကို မရောက်ရှိသေးတဲ့ ကျောင်းသား၊ ကျောင်းသူတွေကို အိမ်ထောင်စုစာရင်းထဲကို ကျောင်းမှာ တစ်ခါတည်းထည့်ပေးပြီး ဖြေလျှော့ပေးတာတွေလည်းရှိတယ်လို့ သိရပါတယ်။ကျောင်းက ဆရာ၊ဆရာမတွေအနေနဲ့ အခုလိုကလေးတွေကို နိုင်ငံသားစိစစ်ရေးကတ်ပြားလုပ်ဆောင်ပေးနေချိန်မှာ စာသင်ချိန်မပျက်ဖို့ ပုံစံဖြည့်တာတွေအပါအ၀င်၊ ဓါတ်ပုံရိုက်ခြင်း၊သွေးစစ်ခြင်း နဲ့လိုအပ်တဲ့စာရွက်စာတမ်းတွေ ကြိုတင်ပြင်ဆင်ထားတယ်လို့သိရပါတယ်။

ဒါ့အပြင် ကျောင်းပိတ်ရက်တွေမှာလည်းနိုင်ငံသားစိစစ် ရေးကဒ်ပြားရရှိဖို့ဆောင်ရွက်ပေးတယ်လို့သိရပါတယ်။ရွှေပြည်သာမြို့နယ်အတွင်းမှာမူလွန်၊ အလယ်တန်း၊ အထက်တန်းကျောင်းပေါင်း(၃၀)ရှိပြီး ယခု(၂၀၁၈-၂၀၁၉)ပညာသင်နှစ်မှာ လှိုင်သာယာမြို့နယ် လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာနမှ နိုင်ငံသားစိစစ်ရေးကဒ်ပြား(၅၀၀၀)နီးပါးပြုလုပ်ပေးသွားမယ်လို့သိရပါတယ်။

 

 

Related News