နိုင်ငံတော်သမ္မတဦးဝင်းမြင့်ထံသို့ ဒိန်းမတ်နိုင်ငံနဲ့ သိရီလင်္ကာဒီမိုကရက်တစ်ဆိုရှယ်လစ်သမ္မတနိုင်ငံ သံအမတ်ကြီးတို့က သံအမတ်ခန့်အပ်လွှာများပေးအပ်ပွဲကို စက်တင်ဘာလ(၄)ရက် နံနက်၁၀နာရီက နေပြည်တော်ရှိ နိုင်ငံတော်သမ္မတအိမ်တော် သံတမန်ဆောင်ဧည့်ခန်းမမှာ ပြုလုပ်ခဲ့တာပါ။ သံအမတ်ခန့်အပ်လွှာတွေကို နိုင်ငံတော်သမ္မတဦးဝင်းမြင့်ထံ ဒိန်းမတ်နိုင်ငံ သံအမတ်ကြီး Mr,John Nielsen(ဂျွန်နဲလ်ဆင်)ကဦးစွာပေးအပ်ခဲ့တာဖြစ်ပြီး အဲဒီနောက်မှာတော့ သိရီလင်္ကာဒီမိုကရက်တစ် ဆိုရှယ်လစ် သမ္မတနိုင်ငံ သံအမတ်ကြီး Mr,Nandimithra(နန်ဒီမိသရ)က ထပ်မံပေးအပ်ခဲ့တာပါ။

ခန့်အပ်ပေးအပ်ပြီးနောက် နိုင်ငံတော်သမ္မတနဲ့ အတူသံအမတ်ကြီးတွေဟာ နှစ်နိုင်ငံပူးပေါင်းဆောင်ရွက်ရေးနဲ့ ပတ်သက်ပြီး ဆွေးနွေးခဲ့ကြတယ်လို့ သိရပါတယ်။ သံအမတ်ခန့်အပ်လွှာများပေးအပ်ပွဲကို အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ သမ္မတရုံးဝန်ကြီးဌာန ဒုတိယ၀န်ကြီး ဦးမင်းသူ နဲ့ နိုင်ငံခြားရေးဝန်ကြီးဌာန၊ သံတမန်ရေးရာဦးစီးဌာန၊ ညွန်ကြားရေးမှူးချုပ် ဦးသန့်စင်တို့ တက်ရောက် ခဲ့ကြတယ်လို့သိရပါတယ်။

 

 

Related News