ရခိုင်ပြည်နယ်မှာ ဖြစ်ပွားခဲ့တဲ့အကြမ်းဖက်မှုဖြစ်စဉ်တွေကြောင့်တစ်ဖက် ဘင်္ဂလားဒေရှ့်နိုင်ငံကို ထွက်ပြေး တိမ်းရှောင်နေသူတွေထဲက လူဦးရေ(၃၀၀၀)လောက်ကို ပြန်လည်လွှဲပြောင်းပေးမယ်လို့ ဘင်္ဂလားဒေရှ့်နိုင်ငံခြားရေးဝန်ကြီးကအကြောင်းကြားတယ်လို့ စက်တင်ဘာလ(၇)ရက်က သမ္မတအိမ်တော်မှာ ပြုလုပ်တဲ့ သတင်းစာရှင်းလင်းပွဲမှာ နိုင်ငံတော်အစိုးရရဲ့ပြောရေးဆိုခွင့်ရှိသူ နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးကပြောပါတယ်။ယခုလိုဘင်္ဂလားဒေရှ့်နိုင်ငံဖက်က ပူးပေါင်းဆောင်ရွက်မှုတွေရှိလာတဲ့အတွက် ပြန်လည်လက်ခံရေး ကိစ္စတွေမှာ ပိုမိုမြန်ဆန်လာမယ်လို့မျှော်လင့်ကြောင်းလည်း ဦးဇော်ဌေးကပြောပါတယ်။

ဘင်္ဂလားဒေရှ့်နိုင်ငံကို ထွက်ပြေး တိမ်းရှောင်နေသူတွေကိုပြန်လည်လက်ခံရေးအတွက် မြန်မာနိုင်ငံအနေနဲ့ လုပ်ဆောင်ပေးမယ်လို့ ပြောကြားထားတဲ့ ကိစ္စတွေကို ပြည့်ပြည့်၀၀ ဆောင်ရွက်ပေးထားတယ်လို့ဆိုပါတယ်။မြန်မာနိုင်ငံ အနေနဲ့ ရခိုင်ပြည်နယ်မှာ ဖြစ်ပွားခဲ့တဲ့အကြမ်းဖက်မှုဖြစ်စဉ်တွေကြောင့် တစ်ဖက် ဘင်္ဂလားဒေရှ့်နိုင်ငံကို ထွက်ပြေး တိမ်းရှောင်နေသူတွေကို ပြန်လည်လက်ခံရေးအတွက် ပြီးခဲ့တဲ့ ဇန်န၀ါရီလ(၂၃)ရက်ထဲက နယ်စပ်ဒေသတွေမှာ အဆင်သင့်ဖြစ်နေခဲ့တာပါ။ မြန်မာနိုင်ငံအနေနဲ့ ဘင်္ဂလားဒေရှ့်နိုင်ငံကို ထွက်ပြေး တိမ်းရှောင်နေသူတွေကို ပြန်လည်လက်ခံ ရေးစခန်း တောင်ပြို လက်ဝဲမှာ ပထမဆုံးစတင်လက်ခံမှာဖြစ်ပြီး အဲဒီကမှတစ်ဆင့်စစ်ဆေးပြီး ပြန်လည်တည်ဆောက်ထားတဲ့ကျေးရွာတွေကို ပို့ဆောင်ပေးသွားမယ်လို့သိရပါတယ်။


ရခိုင်ပြည်နယ်မှာဖြစ်ပွားခဲ့တဲ့ အကြမ်းဖက်မှုဖြစ်စဉ်တွေကြောင့် ဘင်္ဂလားဒေရှ့်နိုင်ငံဖက် ထွက်ပြေးတိမ်း ရှောင်နေသူတွေကို ပြန်လည်လက်ခံရေးအတွက် အချိန်ကာလနှစ်နှစ်သတ်မှတ်ထားတယ်လို့ ပြီးခဲ့တဲ့ ဇန်န၀ါရီလ (၂၃)ရက်က နေပြည်တော်မှာရှိတဲ့ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနရုံးမှာ ပြုလုပ်ခဲ့တဲ့ ရခိုင်ပြည်နယ်ဆိုင်ရာအကြံပြုချက်များအပေါ် အကောင်အထည် ဖော်ဆောက်ရွက်ရေးကော်မတီ ၏သတင်းစာရှင်းလင်းပွဲမှသိရပါတယ်။

 

 

Related News