ဆေးတက္ကသိုလ်တွေမှာ တက်ရောက်ပညာသင်ကြားနေကြတဲ့ ကျောင်းသား၊ကျောင်းသူတွေဟာ စာသင်နှစ်ရဲ့ ဒုတိယနှစ်မှာ ခန္ဓာဗေဒဘာသာရပ်ကို သင်ကြားရတယ်လို့သိရပါတယ်။ခန္ဓာဗေဒဘာသာရပ်ကတော့ ထူးချွန်ပြောင်မြောက်တဲ့ ဆရာဝန်ကောင်းတစ်ယောက်ဖြစ်လာဖို့အတွက်လိုအပ်တဲ့  လူ့ကိုယ်ခန္ဓာ တည်ဆောက်ပုံတွေကို  လက်တွေ့ဆန်းစစ်လေ့လာရတာပဲ ဖြစ်ပါတယ်။ဒီလိုလေ့လာနိုင်ဖို့အတွက် ခန္ဓာကိုယ် အလှူရှင်တွေဟာ သူတို့အသက်ရှိစဉ်ကာလကတည်းက သူတို့ဆုံးပါးသွားခဲ့ရင်  ရုပ်အလောင်းတွေကို ဆေးတက္ကသိုလ်က ကျောင်းသား၊ ကျောင်းသူတွေ စမ်းသပ်လေ့လာနိုင်ဖို့အတွက် လာရောက်လှူဒါန်းထားကြတာပါ။

ခန္ဓာကိုယ်အလှူခံမှုကို ဆေးတက္ကသိုလ်တွေ စတင်တည်ထောင်ခဲ့တဲ့ (၁၆)ရာစုကစပြီး ယနေ့ချိန်ထိ လှူဒါန်းမှုတွေကိုလက်ခံနေတာဖြစ်ပါတယ်။လှူဒါန်းချင်တဲ့ အလှူရှင်တွေက (၁၈)နှစ်ပြည့်ပြီးပါက ကိုယ်တိုင်ကိုယ်ကျလာရောက်လှူဒါန်းနိုင်ပြီး (၁၈)နှစ်မပြည့်သေးသူတွေကတော့ မိဘအုပ်ထိန်းသူခွင့်ပြုချက်နဲ့အတူ လာရောက်လှူဒါန်းနိုင်တယ်လို့ သိရပါတယ်။ဒီလို လှူဒါန်းပြီးတဲ့ အလှူရှင်တွေကို ဆေးတက္ကသိုလ်တွေက ဂုဏ်ပြုလွှာတွေပေးအပ်တဲ့အပြင် ဆေးတက္ကသိုလ်ကျောင်းသား၊ကျောင်းသူတွေရဲ့ အသံတိတ်ဆရာတွေအဖြစ်မှတ်ယူကာ  “၀ိညာဉ်မဲ့မြတ်ဆရာပူဇော်ပွဲ”အမည်နဲ့ နှစ်စဉ်နှစ်တိုင်း ဂုဏ်ပြုပူဇော်ပွဲတွေကို ပြုလုပ်ပေးနေတာဖြစ်ပါတယ်။ဆေးတက္ကသိုလ်(၂)မှာတော့ တစ်နှစ်ကိုခန္ဓာကိုယ်လာရောက်လှူဒါန်းသူ(၁၀)ယောက်ဝန်းကျင်ခန့်ရှိပြီး အပတ်စဉ်ဗုဒ္ဓဟူးနေ့တိုင်း လှူဒါန်းမှုတွေကို လက်ခံပေးနေတာဖြစ်ပါတယ်။

 

 

Related News