ရွှေတိဂုံစေတီတော်နှင့် ၀တ္တကမြေမှာ တပ်ဆင်ထားတဲ့ စီစီတီဗွီကင်မရာများမှာ နိုင်ငံတကာအဆင့်မီလုံခြုံရေး အချက်ပြစနစ် ထည့်သွင်းထားတဲ့ ဆောလ့်ဝဲများ တပ်ဆင်ပြီး စောင့်ကြည့် စစ်ဆေးသွားမှာဖြစ်တယ်လို့ ရွှေတိဂုံစေတီတော်ဂေါပကအဖွဲ့ထံက သိရပါတယ် ။စီစီတီဗွီကင်မရာများမှာ နိုင်ငံတကာအဆင့်မီလုံခြုံရေးအချက်ပြစနစ်ထည့်သွင်းထားတဲ့ ဆော့ဝဲများ ထည့်သွင်းခြင်းဖြင့် ကန့်သတ်နေရာတွေကိုကျူးကျော်ဝင်ရောက်တာ ပိုင်ရှင်မဲ့ပစ္စည်းတွေ အချိန်အကြာကြီး ရှိနေရင် သတိပေးတာတွေ ကင်မရာတွေကိုလူကစောင့်ကြည့်စရာမလိုဘဲ  အလန်းပေးတဲ့စနစ်တွေပါဝင်မှာ ဖြစ်တယ်လို့သိရပါတယ်။

ပထမပိုင်းအနေနဲ့ ပစ္စည်းဈေးနှုန်းတွေ ၊ တပ်ဆင်မယ့် ပစ္စည်းတွေစစ်ဆေးနိုင်ဖို့အတွက် ဆက်သွယ်ရေးနဲ့ ကွန်ပျူတာပိုင်းဆိုင်ရာ ပညာရှင်အဖွဲ့ တွေဖွဲ့ပြီး အဲ့ဒီအဖွဲ့က အတည်ပြုချက်ရရှိပြီးမှ တပ်ဆင်သွားမှာဖြစ်တယ်လို့သိရပါတယ်။ဒီလိုလုံခြုံရေးဆော့ဝဲများတပ်ဆင်ခြင်းလုပ်ငန်းကို ပြည်တွင်းအခြေစိုက် FISCA(ဖစ်စကာ) Enterprise ကုမ္ပဏီနဲ့ Huawei Technologies ကုမ္ပဏီတို့က ပူးပေါင်းဆောင်ရွက်သွားမှာဖြစ်တယ်လို့သိရပါတယ်။ ဒီလိုတပ်ဆင်နိုင်ဖို့ ရွှေတိဂုံစေတီတော်မြတ် ကြီးအတွက် ကောက်ခံရရှိထားတဲ့ အလှူငွေများကို အသုံးပြုသွားဖို့စီစဉ်ထားပြီး သြ၀ါဒဆရာတော်ကြီးများရဲ့ ညွှန်ကြားချက် အတိုင်း လုပ်ဆောင်သွားမယ်လို့ ရွှေတိဂုံစေတီတော် ဂေါပကအဖွဲ့ကသိရပါတယ်။

လုပ်ငန်းစတင်မှုကိုတော့ နောက်နှစ်လခန့် အကြာမှာ စတင်လုပ်ဆောင်နိုင်မယ်လို့ သိရပါတယ်။ရွှေတိဂုံစေတီတော်မှာ လက်ရှိ် စီစီတီဗီကင်မရာပေါင်း (၁၈၀)ကျော်နဲ့ လုံခြုံရေးဆောင်ရွက်နေတာဖြစ်တယ်လို့သိရပါတယ်။ ရွှေတိဂုံစေတီတော်နှင့် ၀တ္တကမြေအတွင်း လုံခြုံရေးစနစ် အဆင့်မြှင့်တင်ခြင်းဟာ ရန်ကုန်တိုင်းဒေသကြီးအတွင်း လုံခြုံရေးဆိုင်ရာဆောင်ရွက်မှုများမှ အစိတ်အပိုင်း တစ်ခုဖြစ်ပြီး အခြားလုံခြုံရေးဆိုင်ရာဆောင်ရွက်မှုများနှင့်လည်း ချိတ်ဆက်ဆောင်ရွက်သွားမှဖြစ်တယ်လို့သိရပါတယ်။

 

 

Related News