ရခိုင်ပြည်နယ်တည်ငြိမ်အေးချမ်းရေးနှင့်လူမှုစီးပွားဘ၀တွေဖွံ့ဖြိုးတိုးတက်ရေး အတွက် ရေရှည်ပဋိပက္ခတွေ ကင်းဝေးဖို့က အရေးကြီးဆုံးလိုအပ်တယ်လို့ စက်တင်ဘာလ(၁၀)ရက်က နေပြည်တော်ရှိမင်္ဂလာသီရီဟိုတယ်မှာ ဒုတိယအကြိမ် ပြုလုပ်ခဲ့တဲ့  ရခိုင်ပြည်နယ်တည်ငြိမ်အေးချမ်းရေးနှင့်လူမှုစီးပွားဖွံ့ဖြိုးတိုးတက်ရေး ဆောင်ရွက်နေသော အစိုးရဌာနဆိုင်ရာ ကိုယ်စားလှယ်များ၊ ရခိုင်ပြည်နယ်လွှတ်တော်ကိုယ်စားလှယ်များနဲ့ ရခိုင်ပြည်နယ်အတွင်းရှိလူ့အဖွဲ့အစည်း ကိုယ်စားလှယ်များတွေ့ဆုံပွဲမှာ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာ ချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြောပါတယ်။

ရခိုင်ပြည်နယ်မှာတည်ငြိမ်အေးချမ်းရေးပျက်ပြားသွားတာနဲ့ လက်ရှိရရှိထားတဲ့ ဖွံ့ဖြိုးတိုးတက်ရေးလုပ်ငန်းတွေဟာ ရှေ့ဆက်တိုးဖို့ မလွယ်ကူတာကြောင့် တည်ငြိမ်အေးချမ်းရေးနဲ့ လုံခြုံမှုရှိဖို့အတွက် လုပ်ဆောင်နေသလို ရခိုင်ပြည်နယ် ဖွံ့ဖြိုးတိုးတက်ရေး အတွက်ကိုပါ တစ်ပါတည်းဆောင်ရွက်နေတယ်လို့ ပြည်ထောင်စုဝန်ကြီးဒေါက်တာ ၀င်းမြတ်အေးကပြောပါတယ်။ 
  ယခုအစည်းအဝေးမှာ တက်ရောက်လာတဲ့ အဖွဲ့အစည်း(၃)ခုက တာဝန်ရှိသူတွေအနေနဲ့ ရခိုင်ပြည်နယ်ဖွံ့ဖြိုးတိုးတက်ရေးအတွက် လိုအပ်တဲ့ ပညာရေး၊ ကျန်းမာရေး ၊လမ်းပန်းဆက်သွယ်ရေး၊လျှပ်စစ်မီးရရှိရေးတို့ အပါအ၀င် ရင်းနှီးမြှုပ်နှံမှုကိစ္စ တွေကို ဆွေးနွေးခဲ့ကြတယ်လို့သိရပါတယ်။ 


ရခိုင်ပြည်နယ်တည်ငြိမ်အေးချမ်းရေးနှင့်လူမှုစီးပွားဖွံ့ဖြိုးတိုးတက်ရေး ဆောင်ရွက်နေသော အစိုးရဌာနဆိုင်ရာ ကိုယ်စားလှယ်များ၊ ရခိုင်ပြည်နယ်လွှတ်တော်ကိုယ်စားလှယ်များနဲ့ ရခိုင်ပြည်နယ်အတွင်းရှိလူ့အဖွဲ့အစည်းကိုယ်စားလှယ်များတွေ့ဆုံပွဲကို လေးလလျှင် တစ်ကြိမ်ပြုလုပ်ဖို့သတ်မှတ်ထားတယ်လို့ သိရပါတယ်။

 

 

Related News