ပန်းဘဲတန်းမြို့နယ်အတွင်း CCTV (၂၇၂)လုံးတပ်ဆင်ထားတယ်လို့ သိရပါတယ်။ ပန်းဘဲတန်းမြို့နယ်မှာပြီးခဲ့တဲ့ (၂၀၁၆)ခုနှစ်ကစပြီး CCTV များကိုတပ်ဆင်ခဲ့ပါတယ်။အခုလို CCTV တပ်ဆင်ပြီးနောက်မှာတော့ ခိုက်ရန်ဖြစ်ပွားမှု၊ ခိုး၊ဆိုး၊လု၊နှိုက် များပန်းဘဲတန်းမြို့နယ်အတွင်းလျော့ပါးသွားပြီး ရပ်ကွက်နေပြည်သူတွေအနေနဲ့ ယခင်ကထက်သွားလာရတာလုံခြုံမှုရှိလာတယ်လို့ရပ်ကွက်နေပြည်သူတွေကပြောပါတယ်။CCTV အားလုံးရဲ့ ထိမ်းချုပ်ရေးစခန်းကိုတော့ ပန်းဘဲတန်းမြို့နယ်ရဲစခန်း မှာထားရှိထားပြီး တာဝန်ကျရဲတွေကစောင့်ကြည့် ပေးနေတယ်လို့သိရပါတယ်။ပန်းဘဲတန်းမြို့နယ် ရဲ့ CCTV များတပ်ဆင်မှုကို ပြည်ထောင်စုလွှတ်တော်ရဲ့ မြို့နယ်ဖွံ့ဖြိုးရေးရန်ပုံငွေရရှိမှုနဲ့ တပ်ဆင်ခဲ့ တာပါ။CCTV တွေတပ်ဆင်ပြီးနောက်မှာ ရပ်ကွက်အတွင်းယခင်ထက်ပိုပြီးလုံခြုံမှုရှိလာပေမယ့် CCTV တွေကို ထိန်းသိမ်းမှုအပိုင်း၊ ပြင်ဆင်မှုအပိုင်းတွေအတွက်တော့ လိုအပ်ချက်တွေရှိနေသေးတယ်လို့ ပန်းဘဲတန်းမြို့နယ်အမှတ်(၁)ရပ်ကွက်အုပ်ချုပ် ရေးမှူးကပြောပါတယ်။

 

 

 

Related News