အသက်မွေးဝမ်းကျောင်း ကျွမ်းကျင်မှုအတတ်ပညာဖွံဖြိုးရေးအစီအစဉ်ဖြစ်တဲ့ လုပ်ငန်းခွင်နှင့် သက်မွေး သင်တန်းကျောင်း ပေါင်းစပ်သင်ကြားခြင်း လုပ်ငန်းစဉ်မိတ်ဆက်ပွဲကို စက်တင်ဘာလ(၈)ရက်က ရန်ကုန်မြို့ Melia Hotelမှာ ပြုလုပ်ခဲ့ပါတယ်။ ဆွစ်ဖွံဖြိုးမှုပူးပေါင်းဆောင်ရွက်ရေးအဖွဲ့ (SDC)နဲ့ မြန်မာနိုင်ငံဆိုင်ရာ ဆွစ်ဇာလန်သံရုံးတို့ရဲ့ ပံ့ပိုးမှုနဲ့ Swisscontact က အကောင်အထည်ဖော် ဆောင်ရွက်နေတာ ဖြစ်ပါတယ်။

ဒီသင်တန်းကို ရန်ကုန်မြိုမှာရှိတဲ့ အစိုးရစက်မှုလက်မှုသိပ္ပံ၊ ဘုရားကြီးမှာရှိတဲ့ စက်မှုလယ်ယာစိုက်ပျိုးရေး သင်တန်း ကျောင်း၊ မန္တလေးမြို့မှရှိတဲ့ အစိုးရစက်မှုလက်မှုသိပ္ပံနဲ့ မိတ္ထီလာမှာရှိတဲ့ စက်မှုလယ်ယာစိုက်ပျိုးရေး သင်တန်းကျောင်းတို့နဲ့ ပူးပေါင်း ဆောင်ရွက်နေတယ်လို့ သိရပါတယ်။ လက်ရှိမှာတာ့ အချက်အပြုတ် စီမံသူ အလုပ်သင်(၂၂)ဦး၊ လယ်ယာသုံးစက်ပစ္စည်း ကျွမ်းကျင်စက်ပြင် ဆရာ(၂၇)ဦး စုစုပေါင်းအလုပ်သင်(၄၉)ဦး သင်ကြားနေတယ်လို့ သိရပါတယ်။

ဒီအခမ်းအနားကို ပညာရေးဝန်ကြီးဌာန၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဟိုတယ်နှင့် ခရီး သွားလာရေး လုပ်ငန်းဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက တာဝန်ရှိသူတွေ၊ မိတ်ဖက်ကုမ္မဏီ(၁၆)ခု အပါအ၀င် စီးပွားရေးလုပ်ငန်း(၃၀)ကျော်မှ ကိုယ်စားလှယ်တွေ တက်ရောက်ခဲ့ကြ ပါတယ်။ 

 

 

Related News