မြန်မာတစ်နိုင်ငံလုံး ရွှေအလေးချိန်ပမာဏ သတ်မှတ်ရောင်းချရာမှာ တူညီမှုရှိစေဖို့အတွက် လာမယ့်နှစ်စကစတင်ကာ ပြောင်းလဲသတ်မှတ်သွားမယ်လို့ စက်တင်ဘာလ ၉ ရက်က မန္တလေးမြို့ Wilson Hotel မှာ မန္တလေး တိုင်းဒေသကြီး ရွှေလုပ်ငန်းရှင်များအသင်းက ဦးဆောင်ပြုလုပ်ပြုလုပ်တဲ့ ညှိနှိုင်းဆွေးနွေးပွဲက သိရပါတယ်။မြန်မာတစ်နိုင်ငံလုံး ရွှေအလေးချိန်ပမာဏသတ်မှတ်တွက်ချက်ရာမှာ ဒေသအလိုက် ရှေးယခင်ကတည်းက ရွေးကွာဟမှုရှိခဲ့တယ်လို့ သိရပါတယ်။ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ရှမ်းပြည်မြောက်ပိုင်းနဲ့ ကချင်ပြည်နယ်မှာ ရွှေတစ်ကျပ်သားကို ရွေး ၁၂၀ နဲ့ တွက်ချက်ပြီး ရန်ကုန်တိုင်းဒေသကြီး၊ မကွေးတိုင်းဒေသကြီး ၊ ပဲခူးတိုင်းဒေသကြီး၊ မွန်ပြည်နယ်၊ ရှမ်းပြည်နယ်တောင်ပိုင်းနဲ့ ကရင်ပြည်နယ်တို့မှာ ၁၂၈ ရွေးနဲ့ တွက်ချက်တယ်လို့ ဆိုပါတယ်။

ဒီလိုကွာဟနေတာကြောင့် တစ်နိုင်ငံလုံးအတိုင်းအတာနဲ့ ရွှေ အလေးချိန်ပမာဏတူညီအောင် ပြောင်းလဲတာဖြစ်ပြီး အရောင်းအဝယ်ပြုလုပ်ရာမှာအဆင်ပြေစေဖို့ဖြစ်တယ်လို့ မန္တလေးတိုင်းဒေသကြီးရွှေလုပ်ငန်းရှင်အသင်း ဥက္ကဋ္ဌ ဦးတင်ထွန်းက ပြောပါတယ်။တစ်နိုင်ငံလုံး ရွှေအလေးချိန်ပမာဏတူညီစေဖို့ လာမယ့်နှစ် ၂၀၁၉ ခုနှစ် ဇန်နဝါရီလ ၁ရက်က စတင်ကာ ရွှေတစ်ကျပ်သားကို ၁၂၈ ရွှေး နဲ့ စစ်ကိုင်းဒေသကြီး၊မန္တလေးတိုင်းဒေသကြီး ကချင်ပြည်နယ် နဲ့ရှမ်းပြည်နယ်မြောက်ပိုင်းတို့မှာ သတ်မှတ်သွားမယ်လို့ သိရပါတယ်။

ဒါပေမယ့်  အရောင်းအဝယ်ပြုလုပ်ရာမှာ မပြောင်းလဲခင်ကရက်စွဲနဲ့ရောင်းဝယ်မှုကို ယခင်သတ်မှတ်ချက်အတိုင်းတွက်ချက် ရောင်းဝယ်ပေးမယ်လို့ သိရပါတယ်။ ရွှေအလေးချိန်ပမာဏ ရွေးကွာဟမှုရှိနေတာကြောင့် တစ်နိုင်ငံလုံးအတိုင်းအတာနဲ့ အရောင်းအဝယ်လုပ်ရာမှာခက်ခဲနေတာဖြစ်ပြီး အခုလို့ အားလုံးတူညီမယ်ဆိုရင်အဆင်ပြေနိုင်တယ်လို့ ရွှေလုပ်ငန်းရှင်အချို့က ပြောပါတယ်။အခုအချိန်ထိ ရန်ကုန် နဲ့ မန္တလေး ရွှေတစ်ပိသာအပေါ်မှာရွေးကွာဟချက် မှာ ၅ရွေးဖြစ်ပြီး လက်ရှိတန်ဖိုးငွေကွာ ဟမှု ၄သောင်းကျပ်ဝန်းကျင် ဖြစ်တယ်လို့သိရပါတယ်။

 

 

 

Related News