မြန်မာနိုင်ငံအကြောအဆစ်ကုပညာရှင်အသင်းက (၁၀ကြိမ်)မြောက် ပြုလုပ်တဲ့ ကမ္ဘာ့အကြောအဆစ်ကုပညာနေ့အခမ်းအနားကို  စက်တင်ဘာလ(၉)ရက်က သိမ်ဖြူလမ်းမှာရှိတဲ့ မြန်မာနိုင်ငံဆရာဝန်များအသင်းမှာ ကျင်းပပြုလုပ်ခဲ့တာဖြစ်ပါတယ်။လူခန္ဓာကိုယ်တစ်ခုလုံးမှာ အကြောအဆစ်တွေကအရေးကြီးက အစိတ်အပိုင်းတစ်ခုမှာပါဝင်ပါတယ်။ ဒီလိုအကြောအဆစ်တွေကောင်းမွန်စေရေးအတွက် ကြိုတင်ကာကွယ်ရေးနဲ့ ကုသရေးအပိုင်းမှာ ပိုမိုတိုးတက်ကောင်းမွန်တဲ့ နည်းပညာတွေကို သုတေသနဆောင်ရွက်နိုင်ဖို့ လိုအပ်တယ်လို့သိရပါတယ်။ ဒါကြောင့် အကြောအဆစ်ကုပညာရှင်တွေ အချင်းချင်း စည်လုံးညီညွတ်စွာနဲ့ ပညာရပ်တွေကို သုတေသနဆောင်ရွက်ပြီး ပြန်လည်ထူထောင်ရေးသာမက ကုသရေးပိုင်းတွေမှာ မူဝါဒတွေချမှတ်နိုင်ဖို့ရည်ရွယ်ပြီး အခုလိုကမ္ဘာ့အကြောအဆစ် ကုပညာနေ့အခမ်းအနား ကကျင်းပတာဖြစ်တယ်လို့ သိရပါတယ်။မြန်မာနိုင်ငံမှာရှိတဲ့ ဆေးတက္ကသိုလ်တွေမှာ အကြောအဆစ်ကုပညာ ပါရဂူဘွဲ့ရရှိသူ(၄)ဦးရှိပြီး အကြောအဆစ်ကုပညာရှင်အယောက်(၉၀)ကို နှစ်စဉ်မွေးထုတ်ပေးလျက်ရှိတယ်လို့ သိရပါတယ်။

နှစ်စဉ် ပြည်တွင်းပြည်ပမှ အကြောအဆစ်ကုပညာရှင်တွေနဲ့ ဆွေးနွေးပွဲတွေ၊ Workshop တွေကိုပါပြုလုပ်လျက်ရှိတယ်လို့လည်း သိရပါတယ်။ ဒါ့အပြင် အကြောအဆစ်ကုပညာ ဥပဒေကို ရေးဆွဲလျက်ရှိပြီး ဆေးပညာကောင်စီနဲ့ပူးပေါင်းပြီး ကုသခွင့်လိုင်စင်ရရှိအောင်ဆောင်ရွက်နေတယ်လို့လည်း သိရပါတယ်။ကမ္ဘာ့အကြောအဆစ်ကုပညာရှင်များအဖွဲ့အစည်းကို ၁၉၅၁ခုနှစ်ကစတင်ဖွဲ့စည်းခဲ့တာဖြစ်ပြီး ဒီအဖွဲ့အစည်းမှာ အဖွဲ့ဝင်နိုင်ငံပေါင်း (၁၀၉)နိုင်ငံမှ အကြောအဆစ်ကုပညာရှင် (4)သိန်းခွဲကျော်ပါဝင်ဖွဲ့စည်းထားတာဖြစ်ပါတယ်။ မြန်မာနိုင်ငံမှာတော့ အကြောအဆစ်ကုပညာရှင်များ အသင်းအနေနဲ့ ၂၀၁၃ ခုနှစ်က တရားဝင်ပေါ်ပေါက်လာခဲ့တယ်လို့သိရပါတယ်။

 

 

 

Related News