လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ အခြေခံပညာဦးစီးဌာန နဲ့ UNDP တို့ပူးပေါင်းပြီး စာသင်ကျောင်းတွေမှာ  ငလျင်အန္တရာယ်အသိပညာ ပေးလုပ်ဆောင်ဖို့အတွက် နည်းပြသင်တန်းကို စက်တင်ဘာလ(၁၀)ရက်က မရမ်းကုန်းမြို့နယ် အမှတ်(၁)အခြေခံ ပညာအထက်တန်း ကျောင်းမှာဖွင့်လှစ်ခဲ့ပါတယ်။

ငလျင်ဘေး အန္တရာယ်အသိပညာပေးနည်းပြသင်တန်းတက်ရောက်မယ့် ဆရာ၊ ဆရာမတွေကို ခရိုင်တစ်ခရိုင်ကို (၈)ယောက်နှုန်းနဲ့ ဆရာ၊ ဆရာမ(၃၂)ဦး၊ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ(၈)ဦး စုစုပေါင်းနည်းပြသင်တန်းသူ၊ သင်တန်းသား (၄၀)ကို သင်ကြားပေးသွားမှာဖြစ်တယ်လို့ သိရပါတယ်။

ရန်ကုန်တိုင်းဒေသကြီးအတွင် ခရိုင်(၄)ခရိုင်ရှိ ကျောင်းပေါင်း(၄၀၀၀)ကျော်ထဲက အထပ်မြင့်ကျောင်းနဲ့ သက်တမ်းရင့်ကျောင်း (၁၀၀)ကို စီမံကိန်းဒေသအဖြစ်ရွေးချယ်ခဲ့တယ်လို့ သိရပါတယ်။ ငလျင်ဘေးအန္တရာယ်အသိပညာပေးနည်းပြသင်တန်းမှာ ငလျင်ဘေး အန္တရာယ်ကြောင့် ထိခိုက်ဆုံးရှုံးမှု လျော့နည်းစေဖို့အတွက် ငလျင်မလှုပ်မီကြိုတင်ပြင်ဆင်ဖို့၊ ငလျင်လှုပ်နေစဉ်နဲ့ လှုပ်ပြီးနောက်ပိုင်း ဆောင်ရွက်ရမယ့် အချက်တွေကို စီမံကိန်းဒေသများရှိ စာသင်ကျောင်းများမှ ကျောင်းသား၊ ကျောင်းသူတွေကို အသိပညာပေးသွားမှာ ဖြစ်တယ်လို့ ပြောပါတယ်။စီမံကိန်းဒေသအဖြစ်ရွေးချယ်ထားတဲ့ကျောင်း(၁၀၀)ကကျောင်းသားကျောင်းသူတွေကို ဒီဇင်ဘာလအတွင်း အပြီးသင်ကြားလေ့ကျင့်ပေးသွားမယ်လို့သိရပါတယ်။ ဒါ့အပြင် ငလျင်ဘေးအန္တရာယ်အသိပညာပေးသင်တန်းတွေကို ရန်ကုန်တိုင်းဒေသကြီးအတွင်းရှိမသန်စွမ်းကျောင်း(၇)ကျောင်းမှာလည်းသင်ကြားပေးသွားမယ်လို့ သိရပါတယ်။

 

 

 

Related News