မန္တလေးတိုင်းဒေသကြီးအတွင်းရှိ မိုးကုတ်ဒေသကို ယခုစက်တင်ဘာလကစတင်ကာ နိုင်ငံခြားသားဝင်ရောက်မှုဖြေလျော့ပေးခဲ့တယ်လို့ မန္တလေးတိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာနက တာဝန်ရှိသူထံကသိရပါတယ်။ အခုဖြေလျော့မှုကို မိုးကုတ်နှစ် (၈၀၀) ပြည့်ပွဲတော်နောက်ပိုင်းမှာ မိုးကုတ်ဒေသခရီးသွားကဏ္ဍအောင်မြင်စေဖို့ သက်ဆိုင်ရာဌာနတွေ ပေါင်းစပ်ညှိနှိုင်းပြီး အဆင့်ဆင့်တင်ပြကာ မန္တလေးတိုင်းဒေသကြီးအစိုးရအဖွဲ့နဲ့ပူးပေါင်းကာ နိုင်ငံခြားခရီးသွားဝင်ရောက်မှုကို ဖြေလျော့ပေး ခဲ့တယ်လို့ သိရပါတယ်။ မန္တလေးတိုင်းဒေသကြီးအတွင်းမှာလည်း နိုင်ငံခြားသားခရီးဝင်ရောက်မှုတွေ ပိုမိုဖွံ့ဖြိုးတိုးတက် လာစေဖို့အတွက် မိုးကုတ်ဒေသအတွင်းရှိ ခရီးစဉ်ဒေသအသစ်တွေကို ဖော်ထုတ်ကာ ခရီးသွားကဏ္ဍဖွံ့ဖြိုးတိုးတက်စေဖို့ နဲ့ ခရီးသွားလာမှုတွေ အဆင်ပြေချောမွေ့စေဖို့အတွက် ဖြေလျော့ပေးခဲ့တာဖြစ်တယ်လို့ ပြောပါတယ်။

မိုးကုတ်မြို့ ဟာ မြန်မာနိုင်ငံ အထက်ပိုင်း မန္တလေးတိုင်းဒေသကြီး ပြင်ဦးလွင်ခရိုင်ထဲမှာ တည်ရှိတဲ့မြို့ဖြစ်ပြီး မန္တလေးမြို့ကနေ မိုင် (၁၂၀)ကျော်ကွာဝေးပါတယ်။ မိုးကုတ်ဒေသကို သွားရောက်မယ့် နိုင်ငံခြားခရီးသွားတွေအနေနဲ့ လုံခြုံရေးကိုအဓိကထား ဆောင်ရွက်ပေးထားတဲ့ လမ်းဟောင်းအတိုင်း ကားလမ်းနဲ့သာသွားရမှာဖြစ်တယ်လို့သိရပါတယ်။ သက်ဆိုင်ရာဟိုတယ်နှင့်ခရီးသွားလာရေးဝန်ကြီးဌာနရဲ့ ဂိုက်လုပ်ငန်းစဉ် ရှိရမှာဖြစ်ပြီး ဗီဇာသက်တမ်း ရှိမရှိကို စစ်ဆေးပြီးမှသာ နိုင်ငံခြားခရီးသွားတွေအနေနဲ့ သွားရောက်ရမှာဖြစ်တယ်လို့ သိရပါတယ်။ဟိုတယ်နှင့်ခရီးသွားညွှန်ကြားမှုဦးစီးဌာနအနေနဲ့ နိုင်ငံခြားခရီးသွားကဏ္ဍပိုမိုဖွံ့ဖြိုးတိုးတက်လာစေဖို့အတွက် ခရီးစဉ်ဒေသအသစ်တွေကို ဖော်ထုတ်နေတာဖြစ်ပြီး ဒေသအတွင်းရှိ အရင်းမြစ်တွေတည်တံ့စေဖို့နဲ့ နိုင်ငံခြားခရီးသွားတွေအတွက်လည်းရာသီပွဲတော်တွေအလိုက် ပိုမိုစိတ်ဝင်စားမှုရှိလာစေဖို့ အစီအစဉ်ကောင်းများစွာကို လုပ်ဆောင်သွားမယ်လို့ သိရပါတယ်။ 

 

 

Related News