မြောက်ကိုရီးယားနိုင်ငံမြို့တော် ပြုံယမ်းမှာ စက်တင်ဘာလ(၁၈)ရက်ကနေ(၂၀)ရက်ထိကျင်းပမယ့် ကိုရီးယား(၂)နိုင်ငံထိပ်သီး ဆွေးနွေးပွဲကို တက်ရောက်ဖို့ တောင်ကိုရီးယားအမျိုးသားလွှတ်တော်နဲ့ နိုင်ငံရေးပါတီအရာရှိ အထူးကိုယ်စားလှယ်အဖွဲ့ ဖွဲ့စည်းဖို့ တောင်ကိုရီးယားအစိုးရ အိမ်ပြာတော်ဘက်ကစီစဉ်နေပါတယ်။  ထိပ်သီးဆွေးနွေးပွဲကို တက်ရောက်မယ့် ကိုယ်စားလှယ်အဖွဲ့မှာ လူ(၂၀၀)ဦးပါဝင်ဖို့ တောင်ကိုရီးယားနဲ့မြောက်ကိုရီးယားနိုင်ငံတို့က သဘောတူခဲ့ကြပါတယ်။  ပြီးခဲ့တဲ့ထိပ်သီးဆွေးနွေးပွဲ(၂)ခု မှာတက်ရောက်ခဲ့တဲ့ လူအရေအတွက်ထက် လူ(၁၀၀)လျော့နည်းတယ်လို့သိရပါတယ်။

အခုနှစ်တက်ရောက်မယ့်  တောင်ကိုရီး ယားကိုယ်စားလှယ်အဖွဲ့မှာ စီးပွားရေး၊ လူမှုရေးနဲ့ ဘာသာရေးကဏ္ဍတွေကို ကိုယ်စားပြုတဲ့ကိုယ်စားလှယ်အဖွဲ့အစည်းတွေ ပါဝင်မှာဖြစ်ပါတယ်။ စီးပွားရေးလုပ်ငန်းရှင်တွေကို ထိပ်သီးဆွေးနွေးပွဲတက်ရောက်ဖို့ တိုက်တွန်းခဲ့တယ်ဆိုတဲ့ ပန်မွန်ဂျွန်းကြေညာ ချက်နဲ့အညီ ကိုရီးယားနိုင်ငံအချင်ချင်းစီးပွားရေးပူးပေါင်းဆောင်ရွက်မှုတွေကို မြှင့်တင်ဖို့ မျှော်လင့်တယ်လို့ အိမ်ပြာတော်ဘက်က ပြောပါတယ်။ စီးပွားရေးကိုယ်စားလှယ်အဖွဲ့မှာ ကိုရီးယားကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်ဥက္ကဌ ပါ့ခ်ရမ် မန်နဲ့ ဟွန်ဒိုင်းကုမ္ပဏီဥက္ကဌ ဟန်ချောင်ယူတုိ့ပါဝင်လာဖွယ်ရှိနေပါတယ်။

 

 

Related News